SUMQAYITDA TİKİNTİ MATERİALLARI ZAVODU İŞƏ BAŞLAMIŞDIR

09.10.2003 [12:34]
Çap et
A⁺ A^-

Sumqayıt tikinti materialları zavodunda ilk məhsul buraxılmışdır. Bu yaxınlarda burada özəl şirkətin bazasında yaradılan vasitəçi firma şəhərin ilk müəssisələrindən biri olan kərpic zavodunu yeniləşdirmiş və bərpa etmişdir.

Şəhər İcra Hakimiyyətinin başçısı Vaqif Əliyev zavodun açılış mərasimindəki çıxışında sumqayıtlıları bu əlamətdar gün münasibətilə təbrik edərək demişdir ki, dövlətimizin başçısı Heydər Əliyevin uğurlu siyasəti nəticəsində respublikada sabitlik, sahibkarlığın inkişafı üçün əlverişli şərait yaradılmışdır. Zavodun açılması ilə 300-ə yaxın sumqayıtlı işlə təmin olunmuşdur. Burada orta əmək haqqı 500 min manatdan çoxdur.

Zavod hər il 10 çeşiddə 15 milyon ədəd silikat bloku (kərpic) istehsal edəcəkdir. Əvvəllər isə ancaq bir növdə 5 milyon ədəd kərpic buraxılırdı.