Sürücü müştərini döyərək telefonunu əlindən alıb
Bakı, 12 may, AZƏRTAC
Bakıda sürücü müştərini döyərək telefonunu əlindən alıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, mayın 10-da saat 18 radələrində Suraxanı rayonunun Əmircan qəsəbəsi ərazisində “Hyundai” markalı avtomobilin sürücüsünün bir nəfəri döyərək mobil telefonunu alması barədə polisə məlumat daxil olub. Quldurluq əməlini törətməkdə şübhəli bilinən Bakı şəhər sakini, əvvəllər məhkum olunmuş Orxan Quluzadə Suraxanı Rayon Polis İdarəsinin 31-ci Polis Bölməsinin əməkdaşlarının keçirdikləri əməliyyat-axtarış tədbiri nəticəsində müəyyən edilərək saxlanılıb.
Araşdırma aparılır.
Bölmənin digər xəbərləri
