REGİONLAR
Şuşa Dövlət Milli Dram Teatrı Qubada “Boy çiçəyi“ tamaşasını təqdim edib
![](/files/galleryphoto/2024/2/1200x630/17166277381496832512_1200x630.jpg)
![](/files/galleryphoto/2024/2/1200x630/1716627738636597682_1200x630.jpg)
![](/files/galleryphoto/2024/2/1200x630/17166277384009544678_1200x630.jpg)
![](/files/galleryphoto/2024/2/1200x630/17166277384924728084_1200x630.jpg)
Quba, 25 may, Elxan Yusifli, AZƏRTAC
Şuşa Dövlət Milli Dram Teatrı Qubada İlyas Əfəndiyevin “Boy çiçəyi“ lirik-psixoloji dramı ilə çıxış edib.
AZƏRTAC-ın bölgə müxbiri xəbər verir ki, Azərbaycan Dövlət Pedaqoji Universitetinin Quba filialında təqdim olunan tamaşanın quruluşçu rejissoru Əməkdar artist Loğman Kərimov, quruluşçu rəssamı Valeh Məmmədov, musiqi tərtibatçısı isə Azad Məmmədovdur.
ADPU-nun Quba filialının direktoru Yusif Alıyev bildirib ki, Şuşa Dövlət Milli Dram Teatrının filialda təqdimatı Xalq yazıçısı, nasir, dramaturq İlyas Əfəndiyevin anadan olmasının 110 illiyi ilə əlaqədar təşkil edilib.
Tamaşaçılar tərəfindən maraqla qarşılanan səhnə əsərində Əməkdar artistlər Nazir Rüstəmov və Azad Məmmədov, həmçinin Zəhra Salayeva və Püstəxanım Zeynalova rol alıblar.
Səhnə əsərində ata qayğısından məhrum olan Nargilənin zavod direktoru Həsənzadəyə məhəbbətindən bəhs edilir.