TACİKİSTANDA ELEKTRİK ENERJİSİ MƏHDUDİYYƏTLƏ VERİLİR
AZƏRTAC İTAR-TASS agentliyinə istinadən xəbər verir ki, Tacikistan energetikləri qış iş rejiminə keçmişlər və respublikanın əksər rayonlarında işıq cəmi yeddi saat - üç saat səhərlər, dörd saat axşam vaxtlarında verilir. “Barki Toçik” Dövlət səhmdar holdinq şirkətinin sədri Curabek Nurmaxmadov demişdir ki, yanvar ayından ilk bahara qədər işığın verilməsi dörd saatadək ixtisara salınacaqdır. Onun sözlərinə görə, payız-qış dövründə işığın limitlə verilməsi məcburi tədbirdir və bu, Tacikistanın əsas energetika nəhəngi Nurek SES-in su anbarında suyun catışmazlığı ilə bağlıdır. Sədr qeyd etmişdir ki, Nurekdən yuxarıda Roqun SES tikilənə qədər vəziyyət dəyişməyəcəkdir.
Bölmənin digər xəbərləri
