TACİKİSTANDA HƏCCƏ GETMƏK QAYDALARI SƏRTLƏŞDİRİLİR
Tacikistanda həccin təşkili ilə onlarca özəl firmanın və hətta ayrı-ayrı adamların məşğul olduqları ötən illərdən fərqli olaraq, bu il həcc ziyarətinə zəvvarlar ancaq dövlət aviareysləri ilə gedəcəklər. Bütün bu və digər tədbirlər keçən ilki vəziyyətin bir daha təkrar olunmaması üçün görülür. Ötən il həccin təşkilindəki nizamsızlığa, zəvvarların gəlməsi müddətləri barədə Səudiyyə Ərəbistanının müvafiq idarələrinə vaxtında məlumat verilmədiyinə görə tacik zəvvarların çox sayda uşaq və yeniyetmələri günlərlə Ər-Riyad hava limanında gecələməli olmuşlar. Nəticədə, yemək və su sarıdan problemlər yaranmışdı.
Tacikistan Müftiliyi bildirmişdir ki, məhdudiyyət tədbirləri və yüksək qiymətlər (1800 dollardan artıq) həccə getmək istəyənlərin sayına təsir göstərməmişdir. Əgər keçən il onlar 6 min nəfər idisə, bu il zəvvarların sayının daha çox olacağı gözlənilir.
Bölmənin digər xəbərləri
