Tariyel Ağazadə: Süni intellekt bu gün həyatımızın ayrılmaz hissəsi olub
Şuşa, 14 iyul, AZƏRTAC
Süni intellekt bu gün həyatımızın ayrılmaz hissəsinə çevrilib. Düşünürəm ki, hər birimiz gün ərzində ən azı bir dəfə süni intellektdən istifadə edirik. Xüsusilə blogerlər, spikerlər, digər məzmun istehsalçıları üçün bu texnologiya artıq gündəlik iş alətidir.
AZƏRTAC xəbər verir ki, bunu texnobloger Tariyel Ağazadə iyulun 14-də IV Şuşa Qlobal Media Forumu çərçivəsində “Media üfüqləri: Süni intellekt, vizual hekayəçilik və yeni nəsil təcrübələr” mövzusunda keçirilən tədbirdə deyib.
"Bununla yanaşı, süni intellektin mənfi tərəfləri də var. Ən böyük risk yanlış və təsdiqlənməmiş məlumatların çox sürətlə yayılmasıdır. Süni intellekt bəzən həqiqətə çox bənzəyən, lakin doğru olmayan məlumatlar yarada bilir. Buna görə də insan nəzarəti, faktların yoxlanılması və peşəkar redaktə prosesi hər zaman vacib olaraq qalır", - deyə o diqqətə çatdırıb.
Bölmənin digər xəbərləri
