TƏBİİ FƏLAKƏTLƏRİN FƏLAKƏTLİ NƏTİCƏLƏRİ
Məruzə 2005-ci ilin yanvarında Yaponiyanın Kobe şəhərində keçiriləcək təbii fəlakətlər probleminə dair beynəlxalq konfrans üçün hazırlanmışdır.
Statistikaya görə, 1994-cü ildən bəri planetimizdə 7100 təbii fəlakət qeydə alınmış, tələfatdan savayı, bəşəriyyətə 800 milyard dollarlıq ziyan dəymişdir.
Planetimizdə baş verən təbii fəlakətlərin üçdə iki hissəsi daşqınların və qasırğaların payına düşür. Yer kürəsi əhalisi quraqlıqdan və meşə yanğınlarından da böyük zərər çəkir.
Mütəxəssislərin fikrincə, yaxın gələcəkdə “qeyri-adi” təbii fəlakətlərin sayının artacağı gözlənilir. Belə hadisələrdən biri də bu yaxınlarda Kalininqrad vilayətində baş vermiş zəlzələdir.
Ekspertlər vəziyyətin pisləşməsini qlobal istiləşmə ilə bağlayırlar. Odur ki, ekoloqlar iqlimin gələcəkdə dəyişməsi ilə bağlı bəri başdan addımlar atılmasının vacibliyini vurğulayırlar.
