Tədqiqat: Bəzi xərçəng dərmanları diabeti də müalicə edə bilər
Bakı, 15 may, AZƏRTAC
Bəzi xərçəng dərmanları diabeti də müalicə edə bilər.
AZƏRTAC “knowridge” saytına istinadla xəbər verir ki, Pittsburq Universitetinin alimləri araşdırma apararkən bunu aşkar ediblər.
Tədqiqatçılar Farzad Esni və Jing Hu xərçənglə bağlı araşdırmaları zamanı diabetin müalicəsi üçün gözlənilməz dərmanların olduğunu müəyyənləşdiriblər. İlk olaraq siçanlar üzərində aparılan tədqiqatda mədəaltı vəzində regenerasiya fəaliyyətini nəzərdə tutan qeyri-adi dəyişiklikləri müşahidə ediblər. Cərrahiyyə üzrə dosent F.Esni qeyd edib ki, genetik olaraq dəyişdirilmiş siçanların mədəaltı vəzi bərpa cəhdinin əlamətlərini göstərir. Bu, tədqiqatçıları hüceyrələrin insulin istehsal etmək üçün yenidən proqramlaşdırıla biləcəyini araşdırmağa yönəldib, bu kəşf diabetin müalicəsində inqilab edə bilər.
Alimlər aşkarlayıblar ki, əvvəlcə xərçəng müalicəsi üçün hazırlanmış dərman diabetik siçanlarda hüceyrələri insulin istehsal edən hüceyrələrə çevrilməyə vadar edə bilər. Əvvəlki tədqiqatlardan fərqli olaraq insan təhlükəsizliyinə dair mövcud məlumatlara görə, dərmanın klinik diabetin müalicəsi üçün yararlı olduğu bildirilir.
Bölmənin digər xəbərləri
