TEHRANDA “BLOKLARA QOŞULMAYAN ÖLKƏLƏR HƏRƏKATI”NIN XARİCİ İŞLƏR NAZİRLƏRİNİN 15-Cİ İCLASI İŞƏ BAŞLAMIŞDIR
AZƏRTAC-ın xüsusi müxbiri xəbər verir ki, Tehranda “Bloklara qoşulmayan ölkələr hərəkatı”nın xarici işlər nazirlərinin 15-ci iclası işə başlamışdır.
Dünyanın 120 ölkəsini təmsil edən nümayəndələrin qatıldığı iclasda İran İslam Respublikasının Prezidenti Mahmud Əhmədinejad çıxış etmişdir.
Təşkilatın məqsədi üzv ölkələr arasında əməkdaşlıq əlaqələrini genişləndirmək, ümumi problemlərin həllində birgə imkanlardan istifadə etmək, fəal informasiya mübadiləsi aparmaqdır.
Hərəkata daxil olan ölkələrin xarici işlər nazirlərinin 14-cü iclası 2006-cı ildə Kubada keçirilmişdi.
Azərbaycan Respublikası bu hərəkatda müşahidəçi statusuna malikdir. Ölkəmizin İrandakı səfiri Abbasəli Həsənov iclasda iştirak edir.
İclas iyulun 30-da işini davam etdirəcəkdir.
Bölmənin digər xəbərləri
