TƏLƏBƏ ELMİ KONFRANSI PREZİDENTİN YUBİLEYİNƏ HƏSR OLUNACAQ
Aprel ayında Azərbaycan Memarlıq və İnşaat Universiteti tələbələrinin elmi tədqiqat, layihə-konstruktor, yaradıcılıq işləri ilə bağlı konfrans keçiriləcəkdir.
Universitet Tələbə Elmi Cəmiyyətinin sədri, Beynəlxalq Ekoenergetika Akademiyasının akademiki İsrafil Rəsulov AZƏRTAC-ın müxbirinə bildirmişdir ki, sayca 25-ci olan bu elmi konfrans dövlətimizin başçısı Heydər Əliyevin 80 illiyinə həsr olunacaqdır. Tədbirin keçirilməsi üçün təşkilat komitəsi yaradılmışdır. Konfrans ictimai elmləri, təbiiyyat elmlərini, mexanika, memarlıq, mühəndis geodeziyası, hidrotexnika və meliorasiyanı, ümumiyyətlə, 16 elm sahəsini əhatə edəcəkdir. Məruzələr seçilərkən onların elmi və təcrübi aktuallığına xüsusi diqqət yetirilir.
Konfrans ərəfəsində tələbələrin elmi və yaradıcılıq işlərinin, magistr dissertasiyalarının sərgisi də təşkil olunacaqdır.
Bölmənin digər xəbərləri
