Tələbələrə əlyazma kitablarının hazırlanması prosesi haqqında mühazirə oxunub
Bakı, 10 aprel, AZƏRTAC
AMEA Məhəmməd Füzuli adına Əlyazmalar İnstitutunun Türkdilli əlyazmaların tədqiqi şöbəsinin böyük elmi işçisi Şəhla Xəlilli “Yazının materiallaşdırılması: əlyazma kitablarının yaranma prosesi” mövzusunda mühazirə oxuyub.
İnstitutdan AZƏRTAC-a bildirilib ki, müxtəlif universitetlərin tələbələrinin iştirak etdiyi təlimdə alim yazının növləri, papirus, dəri, perqament kimi yazı materialları, Avropa filiqranlı kağız növləri, o cümlədən əlyazma kitablarının hazırlanması prosesi haqqında geniş məlumat verib, hazırladığı videoslayd vasitəsilə onlardan nümunələr göstərib. Məruzəçi tələbələrin suallarını cavablandırıb.
Xatırladaq ki, doktorant və dissertantların müvafiq fənlər üzrə ixtisas səviyyələrinin artırılması və gücləndirilməsi məqsədilə institutun Təhsil şöbəsi tərəfindən təşkil olunmuş bu kimi seminarların iyun ayına qədər davam etdirilməsi nəzərdə tutulub.
Bölmənin digər xəbərləri
