“Teleradio” İB tərəfindən yeni TV vericilər quraşdırılmışdır
Bakı, 10 may (AZƏRTAC). Ümummilli lider Heydər Əliyevin anadan olmasının 88-ci ildönümü münasibətilə Rabitə və İnformasiya Texnologiyaları Nazirliyinin “Teleradio” İstehsalat Birliyi tərəfindən bir sıra tədbirlər görülmüşdür.
Nazirlikdən AZƏRTAC-a bildirmişlər ki, Qax, Balakən, Zaqatala rayonları və ətraf yaşayış məntəqələrini “Mədəniyyət TV” kanalının yayımı ilə təmin etmək məqsədi ilə Zaqatala rayonu Danaçı radio-televiziya verilişi stansiyasında gücü 3 kilovat (kVt) olan TV verici istismara verilmişdir. Qeyd olunan kanalın Şəki və Quba rayonlarında yayımını təmin etmək üçün Şəkidə 500 volt (Vt), Qubada isə 2 kVt gücündə TV vericilər quraşdırılmışdır.
Mingəçevirdə “İdman Azərbaycan TV” kanalının, Göyçayda “İctimai TV” kanalının yayımının təşkili üçün hər iki şəhərdə 150 Vt gücündə TV vericilər istismara verilmişdir.
Bölmənin digər xəbərləri
