Tərtərdə həyata keçirilən “Əsgərə məktub” layihəsinin birinci mərhələsi yekunlaşıb
Tərtər, 22 yanvar, AZƏRTAC
Bərdə Regional Mədəniyyət İdarəsinin Tərtər rayon nümayəndəliyinin başladığı “Əsgərə məktub” layihəsinin birinci mərhələsi başa çatıb. Layihə 44 günlük Vətən müharibəsində qələbə qazanmış Azərbaycan Ordusuna rayon gənclərinin, ziyalıların, sakinlərin, eləcə də rayona gələn qonaqların təşəkkür və minnətdarlığını çatdırmaq, hərbçilərimizin ruh yüksəkliyini daha da artırmaq məqsədi daşıyır.
AZƏRTAC-ın bölgə müxbiri xəbər verir ki, sakinlər Tərtər rayon Heydər Əliyev Mərkəzinə gələrək, ürəklərindən keçən xoş sözləri xalqımıza qələbə sevincini yaşadan əsgər və zabitlərimizə ünvanlayıblar. Məktublar Tərtər rayonunda yerləşən “N” saylı hərbi hissənin əsgər və zabitlərinə çatdırılıb.
Bölmənin digər xəbərləri
