TEYMUR RƏCƏBOVUN NÖVBƏTİ UĞURU
BOENOS-AYRES. Rusiyalı Anatoli Karpov Argentina paytaxtında məşhur şahmatçı Migel Naydorfun xatirəsinə həsr olunmuş turnirdə qalib gəlmişdir. 12-ci dünya çempionu 9 mümkün xaldan 6,5 xal toplamışdır.
Bu, sayca 12-ci xatirə turniri idi. Builki yarışlarda Karpovdan əlavə, planetin ən güclü qadın şahmatçısı macarıstanlı Yudit Polqar, tanınmış ingilis qrossmeystri Naycel Şort, adlı-sanlı şahmat veteranı Viktor Korçnoy /İsveçrə/, əfsanəvi braziliyalı Enrike Mekinq, qadınlar arasında dünya çempionu Se Tszyun /Çin/, dünyanın ən gənc qrossmeysteri, 14 yaşlı Teymur Rəcəbov /Azərbaycan/, habelə braziliyalı Jilberto Miloş və argentinalılar Pablo Vikardi və Ruben Vilqaer mübarizə aparmışlar.
İTAR-TASS xəbər verir ki, yarışların yekun turunda Karpov /ağlarla/ Rikardo ilə oynamış və bu həlledici görüşdə qalib gələ bilmişdir. Məsələ burasındadır ki, son turdan əvvəl Korçnoyun və Rəcəbovun da eyni miqdarda xalı var idi. Amma son turda onlar heç-heçə oynadılar və nəticədə 2-ci, 3-cü yerləri bölüşdürdülər.
Gənc şahmatçımızı növbəti uğuru münasibətilə təbrik edirik.
Bölmənin digər xəbərləri
