“Tokio 2020”nin Təşkilat Komitəsi koronavirusla mübarizə üçün işçi qrupu yaradıb
Bakı, 6 fevral, AZƏRTAC
“Tokio-2020” Olimpiya Oyunlarının Təşkilat Komitəsi koronavirusun mötəbər yarışlara mənfi təsirinin qarşısını almaq məqsədilə işçi qrupunun yaradılmasına dair qərar qəbul edib.
AZƏRTAC TASS agentliyinə istinadla xəbər verir ki, bundan əvvəl Yaponiyanın Baş Naziri Şinzo Abe hökumətin koronavirusun yayılması səbəbindən Tokio Yay Olimpiya Oyunlarını ləğv etmə ehtimalını müzakirə etməyəcəyini açıqlamışdı. Tokio Olimpiya və Paralimpiya oyunlarının təşkilinə məsul nazir Seyko Haşimoto isə Olimpiya Oyunları zamanı Dünya Səhiyyə Təşkilatı (DST) ilə yoluxucu xəstəliklərlə mübarizə tədbirlərini müzakirə etmək niyyətində olduğunu bildirib.
Xatırladaq ki, Olimpiya Oyunları iyulun 24-dən avqustun 9-dək, Paralimpiya Oyunları isə avqustun 25-dən sentyabrın 6-dək Tokioda keçiriləcək.
Bölmənin digər xəbərləri
