TONİ BLEYER SƏDDAM HÜSEYNİN KÜTLƏVİ QIRĞIN SİLAHININ OLMADIĞINI ETİRAF ETMİŞDİR
AZƏRTAC-ın “Novosti” agentliyindən aldığı xəbərə görə, Böyük Britaniyanın Baş naziri, Leyboristlər Partiyasının lideri Toni Bleyer Səddam Hüseyn rejiminin kütləvi qırğın silahının (KQS) olması haqqında informasiyanın yanlışlığını etiraf etmişdir. O, leyboristlərin Braytonda keçirilən illik konfransında demişdir: ”Mən bunu etiraf və qəbul edirəm. Yalnız onu xatırlatmaq itəyirəm ki, həmin məlumatlar beynəlxalq birlik tərəfindən tanınmışdı. Kəşfiyyat idarələrinin səhv informasiyasına görə üzr istəyə bilərəm, lakin Səddamın devrilməsinə görə üzr istəmək niyyətində deyiləm”.
Onun sözlərinə görə, İraqda rejim dəyişildikdən sonra həyat öz məcrasına düşməyə başlamışdır və bu ölkə qonşuları üçün daha təhlükə yaratmır. Bleyer Britaniya qoşunlarının İraqda nə qədər qalacağından danışarkən bildirmişdir ki, onlar işlərini axıra çatdıranadək İraq xalqı ilə bir olacaqlar”.
Bölmənin digər xəbərləri
