Topaz Premyer Liqası: “Qarabağ” komandası “Zirə”nin qapısından üç cavabsız top keçirib
Bakı, 27 aprel, Elvin Mövsümov, AZƏRTAC
Aprelin 27-də Topaz Premyer Liqasının 26-cı turuna “Zirə” - “Qarabağ” oyunu ilə start verilib.
AZƏRTAC xəbər verir ki, Zirə Olimpiya Kompleksində oynanılan görüş Ağdam təmsilçilərin 3:0 hesablı qələbəsi ilə başa çatıb. Qurban Qurbanovun yetirmələrindən Dani Kintana (20), Filip Ozobiç (28) və Mahir Mədətov (79) fərqləniblər.
Bu qələbə sayəsində “Qarabağ” xal ehtiyatını 60-a çatdıraraq turnir cədvəlində liderliyini möhkəmləndirib. Ağdamlılar əsas izləyiciləri “Neftçi”dən 5 xal irəlidədirlər. “Zirə” isə 25 xalla altıncı yerdə qərarlaşıb.
Futbol üzrə Azərbaycan çempionatının 25-ci turunun bütün görüşləri bu gün keçiriləcək.
Bölmənin digər xəbərləri
