CƏMİYYƏT
Tovuz rayonunda yerləşən tibb məntəqəsi və Ailə Sağlamlıq Mərkəzi təmir olunub
![Tovuz rayonunda yerləşən tibb məntəqəsi və Ailə Sağlamlıq Mərkəzi təmir olunub](/files/2022/3/1200x630/16666803414839423501_1200x630.jpg)
Bakı, 25 oktyabr, AZƏRTAC
Beynəlxalq Qızıl Xaç Komitəsi (BQXK) tərəfindən Tovuz rayonunun Əlibəyli kəndində yerləşən tibb məntəqəsi və Əsrik Cırdaxan kəndinin Ailə Sağlamlıq Mərkəzi əsaslı təmir olunduqdan sonra istifadəyə verilib.
AZƏRTAC Tibbi Ərazi Bölmələrini İdarəetmə Birliyinin (TƏBİB) rəsmi feysbuk səhifəsinə istinadla bildirir ki, hər iki tibb məntəqəsinin yenidən istifadəyə verilməsi ilə bağlı keçirilən tədbirdə Tovuz Rayon İcra Hakimiyyəti başçısının müavini, Sosial-iqtisadi inkişafın təhlili və proqnozlaşdırılması şöbəsinin müdiri Niftalı Qasımov, TƏBİB-in Qərb regionu üzrə koordinatoru İmran Qurbanov, Beynəlxalq Qızıl Xaç Komitəsinin Səhiyyə deleqatı Oscar Danilo Garcia Linarte və Komitənin Səhiyyə koordinatoru Apollo Kinyokie Barassa iştirak ediblər.
Qonaqlara məntəqələrdə aparılan təmir işlərinin ümumi gedişi, yeni yaradılan şərait və tibb otaqları barədə ətraflı məlumat verilib.