TÜRAM: MATERATSSİYƏ FUTBOLDA YER YOXDUR
AZƏRTAC xarici KİV-lərə istinadla xəbər verir ki, Fransa yığmasının və Turinin “Yuventus” klubunun müdafiəçisi Lilian Türamın fikrincə, dünya çempionatının finalında Zinədin Zidanla münaqişədə Marko Materatssi düzgün hərəkət etməmişdir. Türam əmindir ki, Materatssi kimi oyunçulara futbol aləmində yer olmamalıdır.
Müdafiəçi demişdir: “Fitnə-fəsad törədən futbolçular oyundan çıxarılmalıdır. Materatssinin davranışından yalnız xoşagəlməz təəssürat qalmışdır. Əlbəttə, Zidan tələyə düşmüşdür. Axı, Materatssi onun ailəsini təhqir etmişdir. Mən Zidanın reaksiyasını anlayıram”.
Bölmənin digər xəbərləri
