Turizm nümayəndələri üçün “Atəşgah məbədi”nə infotur təşkil olunub
Bakı, 17 noyabr, AZƏRTAC
Azərbaycan Turizm Agentlikləri Assosiasiyasının (ATAA) və Azərbaycan Turizm Bələdçilər Assosiasiyasının nümayəndələri üçün noyabrın 17-də Dövlət Turizm Agentliyinin tabeliyində olan “Atəşgah məbədi” Dövlət Tarix-Memarlıq Qoruğuna infotur təşkil edilib.
AZƏRTAC ATAA-ya istinadən xəbər verir ki, infotur zamanı turizm nümayəndələrinə müasir turizm məkanlarından birinə çevrilən “Atəşgah məbədi”nin tarixi və əhəmiyyəti, qoruqda aparılan bərpa və yenidənqurma işləri, turistlər üçün yaradılan şərait haqqında məlumat verilib, eyni zamanda qoruq ərazisində yerləşən “Atəşgah” restoranının turistlərin ixtiyarına verildiyi bildirilib.
Bölmənin digər xəbərləri
