TÜRKİYƏ HƏBSXANALARINDA 533 XARİCİ ÖLKƏ VƏTƏNDAŞI VARDIR
AZƏRTAC-ın xüsusi müxbiri Türkiyə Ədliyə Nazirliyinə istinadla xəbər verir ki, ölkə həbsxanalarında 533 xarici ölkə vətəndaşı cəza çəkməkdədir.
Nazirliyin rəsmi Anadolu agentliyi vasitəsilə yaydığı məlumatda bildirilir ki, cəzaçəkmə müəssisələrindəki 87 ölkənin məhkumlarından ən çoxu İran vətəndaşlarıdır. Bu ölkənin 295, Suriyanın 137, Türmənistanın 127 vətəndaşı Türkiyə həbsxanalarındadır. Gürcüstandan 84, Bolqarıstandan 67, Rusiyadan 31 məhkumun cəza çəkdiyi həbsxanalarda inkişaf etmiş ölkələrin vətəndaşları da vardır. Belə ki, 48 Britaniya, 17 Almaniya, 4 ABŞ və 4 Fransa vətəndaşı da məhkumlar arasındadır.
Türkiyə ilə diplomatik münasibətləri olmayan Ermənistanın da 10 vətəndaşı bu ölkədə cəzasını çəkməkdədir.
Bölmənin digər xəbərləri
