Türkiyə Superliqası: “Fənərbağça” səfərdə xal itirib
Bakı, 22 aprel, AZƏRTAC
Türkiyə Superliqasında XXXIII tura yekun vurulub.
AZƏRTAC xəbər verir ki, günün yeganə oyununda çempionluq mübarizəsi aparan "Fənərbağça" səfərdə "Sivasspor"la qarşılaşıb. Görüş 2:2 hesablı heç-heçə ilə yekunlaşıb.
Hesabı 45+2-ci dəqiqədə qonaqların heyətində Fred açıb. 58-ci dəqiqədə Fode Koita tablodakı rəqəmləri bərabərləşdirib. 80-ci dəqiqədə İrfan Can Kahvəci komandasını önə keçirib. Matçın yekun nəticəsini 90+4-cü dəqiqədə penaltidən Ray Manaj müəyyənləşdirib.
Bu nəticədən sonra xallarını 86-ya çatdıran "Fənərbağça" ikinci pillədə qərarlaşıb. "Sivasspor" isə 45 xalla onuncu yerdədir. Turnir cədvəlinə 90 xalla "Qalatasaray" başçılıq edir.
Bölmənin digər xəbərləri
