Türkiyə və Gürcüstan rəsmiləri regional təhlükəsizlik məsələlərini müzakirə ediblər
Tbilisi, 1 dekabr, AZƏRTAC
Türkiyənin Gürcüstandakı səfiri Ali Kaan Orbay bu ölkənin Dövlət Təhlükəsizliyi Xidmətinin (DTX) rəisi Qriqol Liluaşvili ilə görüşüb.
AZƏRTAC xəbər verir ki, bu barədə Gürcüstan DTX məlumat yayıb.
Bildirilir ki, görüşdə Gürcüstan və Türkiyənin üzləşdiyi təhlükəsizlik çağırışları və regional təhdidlər diqqət mərkəzində olub.
Tərəflər Gürcüstan və Türkiyə arasında təhlükəsizlik sahəsində güclü tərəfdaşlıq əlaqələrinin əhəmiyyətini vurğulayıb, əməkdaşlığın daha da dərinləşdirilməsi imkanlarından və gələcək planlardan danışıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
