TÜRKİYƏDƏ 12-Cİ ULUSLARARASI ŞER MƏCLİSİ KEÇİRİLMİŞDİR

01.10.2004 [00:50]
Çap et
A⁺ A^-

Türkiyənin qədim Elazıx şəhəri yaxınlığındakı Xəzər gölü ətrafında 12-ci uluslararası “Xəzər şer axşamları” məclisi keçirilmişdir. Üç gün davam edən bu söz bayramında türkdilli dövlətlərin şer, sənət adamları, dünyanın müxtəlif guşələrində yaşayan türksoyların təmsilçiləri, dövlət rəsmiləri iştirak etmişdir. Türk qəhrəmanlığının şöhrətli Harput qalasına ziyarətlə başlanan tədbirdəTürkiyənin Baş naziri Rəcəb Tayyib Ərdoğanın təbrik məktubu oxunmuşdur. Növbəti toplantıya qədər 60 şairin hər birinin burada səslənmiş 4 şerindən ibarət türk poeziya almanaxının nəşr edilməsi qərara alınmışdır.

Bu mötəbər ədəbi məclisdə Azərbaycanı təmsil etmiş gənc şairə, bp şirkətinin ictimaiyyətlə əlaqələr şöbəsinin əməkdaşı Səadət Qabilqızı AZƏRTAC-ın müxbirinə demişdir:-Elazıxlılar özlərini Azərbaycan əsilli hesab edirlər. Burada xalqımıza xüsusi sevgi hər an hiss olunur. Sevimli şairimiz Almas Yıldırım bu şəhərdə yaşayıb-yaratmışdır. Burada elə adam tapılmaz ki, onun, Əhməd Cavadın şerlərindən əzbər bilməmiş olsun. Xalqımızın böyük dostu, Türkiyənin keçmiş mədəniyyət naziri Namiq Kamal Zeybəkin Azərbaycana məhəbbətdən doğuran çıxışı, onun Bəxtiyar Vahabzadə, Xəlil Rzadan söylədiyi şerlər də Türkiyə ilə Azərbaycanın bir-birinə nə qədər yaxın, doğma olduğunun əyani sübutudur.

TÜRKİYƏDƏ 12-Cİ ULUSLARARASI ŞER MƏCLİSİ KEÇİRİLMİŞDİR

MÜƏLLİFLƏ ƏLAQƏ