Türkiyədə şagirdlər arasında kütləvi zəhərlənmə baş verib
İstanbul, 27 aprel, AZƏRTAC
Türkiyənin Dənizli vilayətinin Çivril rayonunda orta məktəblərin birində 80 şagird və məktəb yeməkxanasının işçiləri kəskin zəhərlənmə diaqnozu ilə xəstəxanalara yerləşdirilib.
AZƏRTAC xəbər verir ki, ilkin ehtimala görə, kütləvi zəhərlənmə yeməkdən sonra qeydə alınıb. Şagirdlər arasında vəziyyəti ağır olan yoxdur. Onların müalicəsi davam etdirilir. Yeməkxanada istifadə edilən qidalardan nümunələr götürülərək analiz üçün laboratoriyaya göndərilib.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
