TÜRKİYƏDƏKİ PARTLAYIŞLARA GÖRƏ MƏSULİYYƏTİ HEÇ KİM ÜZƏRİNƏ GÖTÜRMƏMİŞDİR

29.09.2004 [19:04]
Çap et
A⁺ A^-

AZƏRTAC Anadolu agentliyinə istinadla xəbər verir ki, ABŞ-ın və Böyük Britaniyanın Türkiyədəki nümayəndəlikləri yanında sentyabrın 28-də gecə törədilən partlayışlar, çox güman, bu ölkələrin respublikadakı mənafelərinə qarşı yönəldilmiş “qorxutma əməlləridir”. Bu fikri Türkiyə təhlükəsizlik qüvvələrinin nümayəndələri söyləmişlər.

Ankara, İstanbul, İzmir və Adana şəhərlərində törədilən partlayışlara görə məsuliyyəti hələlik heç kim öz üzərinə götürməmişdir.

Anadolu agentliyi diqqəti buna cəlb edir ki, Britaniya Bankının Türkiyədəki nümayəndəlikləri artıq ikinci dəfədir terrorçuların basqını obyektlərinə çevrilir. Ötən ilin noyabrında “Əl-Qaidə”nin ölkədəki təşkilatının üzvləri İstanbulda bankın binası yanında, habelə Britaniyanın konsulluğu və sinaqoq yanında güclü partlayıcı qurğunu işə salmışdılar. Bu terror aktları nəticəsində 61 nəfər ölmüş, 700-dən çox adam yaralanmışdı.

TÜRKİYƏDƏKİ PARTLAYIŞLARA GÖRƏ MƏSULİYYƏTİ HEÇ KİM ÜZƏRİNƏ GÖTÜRMƏMİŞDİR

MÜƏLLİFLƏ ƏLAQƏ

Bölmənin digər xəbərləri