Türkiyənin Ali Seçki Komissiyası ölkədə keçirilmiş seçkilərə dair son qərarını açıqlayıb
İstanbul, 22 may, AZƏRTAC
Türkiyənin Ali Seçki Komissiyası martın 31-də ölkədə keçirilmiş seçkilərə dair son qərarını açıqlayıb.
AZƏRTAC xəbər verir ki, qərara əsasən böyük şəhərlər üzrə səslərin 51,72 faizini ölkənin hakim Ədalət və İnkişaf Partiyası (AKP), 34,48 faizini Cümhuriyyət Xalq Partiyası (CHP), 10,34 faizini Xalqların Demokratik Partiyası (HDP), 3,45 faizini isə Milliyyətçi Hərəkət Partiyası (MHP) toplayıb.
Ölkədə ümumi bələdiyyə sədrliyi üzrə isə səslərin 54,76 faizi AKP-yə, 17,71 faizi CHP-yə, 17,20 faizi MHP-yə, 4,21 faizi HDP-yə, 1,77 faizi İyi Partiyaya, 1,55 faizi isə Səadət Partiyasına verilib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
