Türkiyənin Aydın vilayətində güclü yağış 2 nəfərin həyatına son qoyub, itkin düşənlər var
Bakı, 5 noyabr, AZƏRTAC
Türkiyənin Aydın vilayətində güclü yağış daşqınlara səbəb olub.
AZƏRTAC “TRT Haber”ə istinadla xəbər verir ki, dünən gecədən başlayan leysan yağışları vilayətin Söke, Koçarlı, Karpuzlu və Çine rayonlarında daşqınlarla nəticələnib.
Söke rayonunda daşqınlar səbəbindən 2 nəfər həyatını itirib, 2 nəfər isə itkin düşüb. Hazırda itkin düşənlərin axtarışı davam etdirilir.
Bölgədəki kənd təsərrüfatı sahələri və yollar su altında qalıb. Bəzi evləri və iş yerlərini də su basıb. Bölgələrdə qrupların müdaxilə və təmizlik işləri davam edir.
Dəymiş ziyanın aradan qaldırılması üçün İzmirdən bölgəyə xeyli sayada texnika cəlb olunub.
Bölmənin digər xəbərləri
