Türkiyənin Sinop vilayətində sel fəlakətinin fəsadları aradan qaldırılır
Ankara, 21 avqust, AZƏRTAC
Türkiyənin Sinop vilayətinin Ayancık rayonunda baş vermiş sel fəlakətinin fəsadlarının aradan qaldırılması üçün görülən ciddi tədbirlər nəticə verməkdədir.
AZƏRTAC xəbər verir ki, Türkiyə Respublikasının vitse-prezidenti Fuat Oktay görülən işləri yoxlamaq üçün bölgədə fəaliyyət göstərən Böhran Koordinasiya Mərkəzində olub. Hökumət üzvlərinin iştirakı ilə keçirilən müşavirədə məlumat verilib ki, artıq bölgədə su və elektrik təchizatı işləri başa çatıb.
Yararsız hala düşən və ciddi zədələnən evlərin bərpası üçün əsaslı tədbirlər görülür.
Xatırladaq ki, avqustun 11-də Ayancık rayonunda yağan leysan yağış sel və daşqınlara səbəb olub. Ayancık çayının daşması ilə evləri, körpü və yolları yuyub aparan sel suları bölgədə insan tələfatına və böyük dağıntılara səbəbə olub.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
