TÜRKMƏNİSTANIN YENİ KONSTİTUSİYASI QƏBUL OLUNMUŞDUR
AZƏRTAC-ın xüsusi müxbiri xəbər verir ki, sentyabrın 26-da Türkmənistan Xalq Məsləhətinin iclasında ölkənin yeni Konstitusiyası qəbul edilmişdir. Yeni Konstitusiyaya uyğun olaraq iclasdan sonra Xalq Məsləhətinin fəaliyyəti dayandırılmışdır.
Prezident Qurbanqulu Berdıməhəmmədov iclasda çıxış etmiş, müstəqilliyin ilk illərində yaradılmış Ali qanunverici orqan - Xalq Məsləhətinin milli dövlətçiliyin möhkəmləndirilməsi istiqmətində vəzifəsini başa çatdırdığını bildirmişdir. Xalq Məsləhətinin səlahiyyətləri Türkmənistan prezidentinə və Məclisə (parlamentə) verilmişdir.
Yeni Konstitusiyaya uyğun olaraq Türkmənistan prezidenti Dövlət Təhlükəsizliyi Şurası yaradır və ona rəhbərlik edir. Yeni seçiləcək ölkə parlamenti - Məclisin isə 125 üzvü olacaqdır.
Qeyd edək ki, Xalq Məsləhətinin deputatlarının sayı isə 50 nəfər olmuşdur.
Bölmənin digər xəbərləri
