UEFA AZƏRBAYCANIN YIĞMA KOMANDASINI CƏZALANDIRMIŞDIR
Bakı, 12 yanvar (AZƏRTAC). UEFA-nın Nəzarət-İntizam Komitəsi Azərbaycanın qadınlardan ibarət futbol üzrə yığma komandasının (U-19) Avropa birinciliyinin seçmə turnirində çıxışlarına dair qərar qəbul etmişdir. AFFA-nın saytı xəbər verir ki, beş bənddən ibarət qərar qəbul olunmuşdur.
1. Azərbaycan-İspaniya, Ukrayna-Azərbaycan və Kipr-Azərbaycan görüşlərinin nəticələri ləğv edilsin və həmin görüşlərdə Azərbaycan yığmasına 0:3 hesabı ilə texniki məğlubiyyət verilsin.
2. İnna Boyko, Toma Besserdeçnı, Olqa Qazıyeva, Olqa Səfərova, Natalya Suvorovtseva və Anastasiya Rəhmanova 2010-cu il noyabrın 30-dək daxili və beynəlxalq yarışlardan kənarlaşdırılsın.
3. AFFA görülən tədbirlər barədə futbolçuları məlumatlandırsın.
4. AFFA 60 min avro məbləğində cərimə edilsin.
5. Azərbaycanın qadınlardan ibarət yığması (U-19) 2010 və 2011-ci illərin Avropa birinciliyinin seçmə oyunlarında iştirakdan kənarlaşdırılsın və komandaya qarşı 2011-ci ildən başlayaraq üçillik sınaq müddəti tətbiq edilsin.
Bölmənin digər xəbərləri
