UİNSTON ÇÖRÇİLİN XİDMƏTÇİLƏRİ ÜÇÜN TƏLİMAT BEYNƏLXALQ HƏRRACA ÇIXARILMIŞDIR

11.11.2006 [21:27]
Çap et
A⁺ A^-

AZƏRTAC İTAR-TASS-a istinadla xəbər verir ki, məşhur Britaniya siyasətçisi Uniston Çörçill son illər tutuquşusuz yatmırdı. Bunu Çörçillin vəfalı xidmətçisi, tibb bacısı Mariel Tomson bildirmişdir.

Gələn həftə Tomsonun əlyazması - yeni işə başlayan qulluqçular üçün Çörçillə baxmaq qaydaları London hərracına çıxarılacaqdır. 20 səhifəlik dəftərdə qoca Uinstona və onun xanımı Klementinoya necə qulluq etmək barədə təlimat verilir. Təlimatdan məlum olur ki, Çörçill ahıl yaşlarında insanlardan daha çox heyvanlarla ünsiyyətdə olmağa üstünlük verirmiş. O, tutuquşu, balıq, it, donuz, pişik saxlayırmış.

Britaniyanın keçmiş Baş naziri yaşıl Avstraliya tutuquşularının qəfəsini daim çarpayısının yanında saxlayır və hətta onlara sevimli siqarlarını dimdikləməyə də icazə verirmiş.

Tibb bacısı yazır ki, həkimlər Çörçillə ömrünün axırınadək spirtli içki içməyə və siqar çəkməyə icazə vermişlər.

Xatırladaq ki, Uinston Çörçill 1965-ci ildə 90 yaşında insultdan vəfat etmişdir.