ULU ÖNDƏR HEYDƏR ƏLİYEVİN RUHUNA MƏŞHƏDDƏ DUALAR OXUNMUŞDUR
Azərbaycanlı zəvvarların Qum şəhərində İmam Rzanın bacısı Həzrəti-Məsumənin məzarını ziyarəti zamanı da ulu öndərə Allahdan rəhmət dilənmişdir.
Qum ostanının fərmandarı Əli Qumi Azərbaycandan gəlmiş qonaqlarla görüşündə görkəmli siyasi xadim Heydər Əliyevin Məşhəd-Aşqabad dəmir yol xəttinin açılışı mərasimində iştirakını və həmin vaxt bu müdrik şəxsiyyətin Məşhəd ziyarətini yada salmış, onun müsəlman dünyasının böyük siyasətçisi kimi mehriban qonşuluq və dostluq əlaqələrinin inkişafında misilsiz rolunu xüsusi vurğulamışdır. Əli Qumi demişdir: “Çox şadam ki, onun layiqli varisi İlham Əliyev də bu siyasətə sadiqdir və bu siyasi xətti uğurla davam etdirir. Azərbaycan və İran prezidentlərinin ardıcıl görüşləri, bütün sahələrdə əlaqələrimizin davamlı inkişafı bu həqiqəti bir daha sübut edir”.
İranda böyük nüfuz sahibi olan Əli Qumi böyük dövlət xadimi Heydər Əliyevə Allahdan rəhmət diləmiş, xalqımıza, ölkəmizə və Prezidentimizə ən xoş arzu və diləklərini ifadə etmişdir.
