ÜMUMMİLLİ LİDERİMİZƏ HƏSR OLUNMUŞ SİMPOZİUM KEÇİRİLƏCƏKDİR
AZƏRTAC xəbər verir ki, bu ilin sonunadək Bakıda Dünya Gömrük Təşkilatının DGT yardımı ilə “Prezident Heydər Əliyev və Azərbaycanda gömrük xidmətinin inkişafı” mövzusunda simpozium keçiriləcəkdir. Bu, DGT ilə Dövlət Gömrük Komitəsi arasında imzalanan niyyət protokoluna uyğun olaraq təşkil ediləcəkdir. Simpoziumun keçirilməsi ölkəmizdə əlamətdar hadisə olacaq və tədbirdə ümummilli liderimizin bütün sahələrdə olduğu kimi, gömrük sisteminin inkişafında xidmətlərindən danışılacaqdır.
