“UNİBANK” SUBORDİNASİYALI KREDİT ALAN İLK AZƏRBAYCAN BANKIDIR
Bankdan AZƏRTAC-ın müxbirinə bildirmişlər ki, 5 milyon ABŞ dolları məbləğində subordinasiyalı vəsaitin ayrılması haqqında müqavilə dekabrın 13-də imzalanmışdır. Vəsait “UniBank”a Hollandiya Maliyyənin İnkişafı Şirkəti (FMO) tərəfindən 7 il müddətinə verilmişdir. “UniBank”ın beynəlxalq münasibətlər üzrə meneceri Gülnarə Qurbanova demişdir: “Bu kreditin vəsaiti ikinci növbə kapitalını formalaşdırmaq üçün əlavə mənbə olacaqdır”.
Xatırladaq ki, dekabrın 11-də kiçik və orta sahibkarlığın maliyyələşdirilməsi üçün kredit xəttinin açılması haqqında müqavilə imzalanmışdır. G.Qurbanova bildirmişdir ki, FMO həmin kredit xətti çərçivəsində banka 5 il müddətinə 5 milyon dollar ayırmışdır.
“UniBank”ın idarə heyətinin sədri Faiq Hüseynov isə demişdir ki, beynəlxalq əməkdaşlıq həmişə bankın strateji inkişafının əsas istiqamətlərindən biri olmuşdur. Kiçik və orta sahibkarlıq layihələrini maliyyələşdirmək üçün verilmiş kredit vəsaiti, eləcə də kredit xətti “UniBank”ın kredit imkanlarının genişləndirilməsinə xidmət edir.
Bölmənin digər xəbərləri
