İQTİSADİYYAT
Vergi ombudsmanının əsas hədəflərindən biri vergiödəyicilərini narahat edən problemləri minimuma endirməkdir
![Vergi ombudsmanının əsas hədəflərindən biri vergiödəyicilərini narahat edən problemləri minimuma endirməkdir](/files/2019/2/1200x630/15568793393669151718_1200x630.jpg)
Bakı, 3 may, AZƏRTAC
Vergiödəyicilərinin bütün müraciətləri Vergilər Nazirliyinin müvafiq qurumlarına daxil edildikdən sonra, həmin qurumların fəaliyyətinin monitorinqi aparılacaq. Vergi ombudsmanı isə həmin qurumların işləri ilə bağlı öz tövsiyəsini verəcək.
AZƏRTAC xəbər verir ki, bu sözləri mayın 3-də Vergilər Nazirliyində keçirilən brifinqdə vergi ombudsmanı Elçin Məmmədov deyib.
O qeyd edib ki, əgər vergi orqanının verdiyi qərar vergiödəyicilərinin hüquqlarının pozulmasına gətirib çıxarırsa, ombudsmanın vəzifəsi bu məsələni mütləq rəhbərliyə məruzə etməklə, onun həllinə nail olmaqdır: “Vergilər Nazirliyinin, o cümlədən vergi ombudsmanının əsas hədəflərindən biri vergiödəyicilərini narahat edən problemləri minimuma endirməkdir. Belə hallar baş verərsə, tez bir zamanda vergiödəyicilərinin hüquqları bərpa olunmalıdır ki, onların nazirlik əməkdaşlarına və ombudsmana inamı itməsin”.