VERGİLƏR NAZİRLİYİNİN NÜMAYƏNDƏLƏRİ AĞSTAFADA SAHİBKARLARLA GÖRÜŞMÜŞLƏR

26.09.2004 [14:09]
Çap et
A⁺ A^-

Ağstafalı sahibkarlarla keçirilən görüşdə 14 nömrəli ərazi vergilər idarəsinin rəisi Ramiz Yedigarov ölkəmizin vergi siyasəti barədə məlumat vermiş, Azərbaycan Respublikası Regionlarının sosial-iqtisadi inkişafı Dövlət Proqramından (2004-2008-ci illər) irəli gələn vəzifələrin yerinə yetirilməsi üçün tədbirlər planı, vergi yükünün azaldılması, sahibkarlığın inkişafına süni maneələrin aradan qaldırılması haqqında qanunun icrası barədə söhbət açmışdır. İdarənin əməkdaşları sahibkarları vergi qanununa edilmiş əlavə və dəyişikliklər və tanış etmişlər.

Görüşdə vergi qanunvericiliyin tətbiqi, vergilərin məcburi yığılmasından könüllü ödəməyə keçidlə əlaqədar vəzifələr, vergi ödəyicilərinin maarifləndirilməsi işinin günün tələbləri səviyyəsində qurulmasının əhəmiyyəti vurğulanmışdır. İş adamları Vergilər Nazirliyi tərəfindən həyata keçirilən müxtəlif tədbirlər barədə məlumatlandırmışlar. Vergi ödəyicilərinə yeni eyniləşdirmə nömrələrinin verilməsi tədbirlərinin mahiyyəti açıqlanmışdır. Qarşılıqlı diskusiya şəraitində keçən görüşdə iş adamlarını maraqlandıran suallara ətraflı cavab verilmişdir.

VERGİLƏR NAZİRLİYİNİN NÜMAYƏNDƏLƏRİ AĞSTAFADA SAHİBKARLARLA GÖRÜŞMÜŞLƏR

MÜƏLLİFLƏ ƏLAQƏ

Bölmənin digər xəbərləri