XALQ ARTİSTİ HACI XANMƏMMƏDOVUN 85 İLLİYİNƏ HƏSR OLUNMUŞ KONSERT KEÇİRİLMİŞDİR

17.07.2003 [23:53]
Çap et
A⁺ A^-

Milli musiqi mədəniyyətində öz sözü, öz dəst-xətti ilə seçilən görkəmli bəstəkar, xalq artisti Hacı Xanməmmədovun anadan olmasının 85 illiyi münasibətilə Azərbaycan Dövlət Filarmoniyasının təşəbbüsü ilə Kamera və Orqan musiqisi zalında Dövlət xalq çalğı alətləri orkestrinin konserti keçirilmişdir.

Filarmoniyanın şöbə müdiri Kəmalə Həsənova AZƏRTAC-ın müxbirinə demişdir ki, konsertdə Bəstəkarlar ittifaqının katibi, professor Ramiz Zöhrabov Hacı Xanməmmədovun yarım əsrlik yaradıcılığı ərzində müxtəlif janrlarda bəstələdiyi yaddaqalan əsərlərindən söz açmış, görkəmli bəstəkarın nəinki Azərbaycanda, hətta onun hüdudlarından kənarda da şöhrət qazanmış musiqisindən danışmışdır.

Qeyd olunmuşdur ki, konsertdə Ağaverdi Paşayevin bədii rəhbərliyi və dirijorluğu ilə xalq artisti Şəfiqə Eyvazovanın (kamança) və Günel Əliyevanın (arfa) ifasında Xalq çalğı alətləri orkestri üçün süita, Arfa və orkestr üçün konsert (birinci hissə) və Kamança və orkestr üçün konsert səslənmişdir.

XALQ ARTİSTİ HACI XANMƏMMƏDOVUN 85 İLLİYİNƏ HƏSR OLUNMUŞ KONSERT KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri