XALQ ARTİSTİ RAMİZ QULİYEV ALMANİYAYA QASTROLA GEDƏCƏKDİR
Bakı Musiqi Akademiyasının kafedra müdiri, professor, xalq artisti Ramiz Quliyev Almaniya -Azərbaycan Cəmiyyətinin dəvəti ilə Almaniyaya qastrol səfərinə gedəcəkdir. Xalq artisti Ramiz Quliyev AZƏRTAC-ın müxbirinə demişdir ki, qastrol müddətində Almaniyanın Berlin, Frankfurt və Dortmund şəhərlərində Köln Musiqi Konservatoriyasının pianoçu müəllimlərinin müşayəti ilə geniş konsert proqramı ilə çıxış edəcəkdir. Konsertlərin birinci şöbəsində Azərbaycan bəstəkarları Üzeyir Hacıbəyovun, Fikrət Əmirovun, Vasif Adıgözəlovun, Hacı Xanməmmədovun, Tofiq Bakıxanovun əsərləri və klassik muğamlarımız səslənəcəkdir. İkinci şöbədə isə görkəmli azərbaycanlı sənətçi alman, rus, norveç, macar, polyak və rumın bəstəkarlarının əsərlərini ifa edəcəkdir. Tarzənin qastrol səfəri sentyabr ayında olacaqdır.
Bölmənin digər xəbərləri
