Xankəndidə “Qış nağılı” yarmarkası yanvarın 4-dək davam edəcək
Xankəndi, 27 dekabr, Tahir Ağaməmmədov, AZƏRTAC
Xankəndidə açılan “Qış nağılı” yarmarkası yanvarın 4-nə qədər davam edəcək.
Bunu AZƏRTAC-ın bölgə müxbirinə açıqlamasında Xankəndi şəhərində, Ağdərə və Xocalı rayonlarında Bərpa, Tikinti və İdarəetmə xidmətinin İctimaiyyətlə əlaqələr şöbəsinin müdiri Afət Telmanqızı deyib.
O bildirib ki, Dünya Azərbaycanlılarının Həmrəyliyi Günü və Yeni il bayramı münasibətilə təşkil edilən "Qış nağılı" yarmarkasında bir çox şirkət və müəssisələr təmsil olunur. Hər şirkət öz istehsal etdiyi məhsulları təqdim edir. Həmçinin yarmarkada fərdi şəxslər də var ki, öz məhsullarını nümayiş etdirirlər.
“Çox sevindiricidir ki, biz uzun illərdən sonra işğaldan azad olunan doğma Qarabağımızda, Xankəndimizdə bu cür tədbirlər keçirir və bu sevinci yaşayırıq”, - deyə o əlavə edib.
Bölmənin digər xəbərləri
