Xarici dillərin tədrisinin aktual problemlərinə həsr edilmiş respublika konfransına tezislər qəbul olunur
Bakı, 2 noyabr, AZƏRTAC
Dekabrın 24-də Azərbaycan Dillər Universitetində “Xarici dillərin tədrisinin aktual problemləri” mövzusunda onlayn respublika elmi-praktik konfransı keçiriləcək.
Universitetdən AZƏRTAC-a bildirilib ki, konfrans xarici dillərin tədrisinin pedaqoji, psixoloji və linqvistik problemləri mövzularını əhatə edəcək. Konfransa tezislər dekabrın 1-dək göndərilməlidir. Antiplagiat sistemində yoxlanılmış və təşkilat komitəsinin müsbət rəy verdiyi tezislər çap ediləcək.
Elektron variantda təqdim olunacaq tezislərin tərtibinə qoyulan tələblərlə ADU-nun rəsmi internet səhifəsində tanış olmaq mümkündür.
Konfransın mövzusuna və qoyulan tələblərə cavab verməyən məqalələr qəbul edilmir, bununla bağlı müəlliflərə əlavə məlumat verilmir.
Bölmənin digər xəbərləri
