XARİCİ İŞLƏR NAZİRLİYİNDƏ GÖRÜŞ
Qonaqları səmimiyyətlə salamlayan nazir E.Məmmədyarov ölkəmizin Avropa Şurasına üzv qəbul olunduğu vaxtdan indiyədək qanunvericiliyin Avropa standartlarına uyğunlaşdırılması, insan hüquqlarının və qanunun aliliyinin təmin olunması və digər sahələrdə həyata keçirilmiş tədbirlər və qazanılmış uğurlar barədə məlumat vermişdir.
E.Lintner mayın 13-də Milli Məclisə 10 dairədə keçiriləcək təkrar seçkilərin vacib hadisə olduğunu vurğulamışdır. O, apreldə Azərbaycana gələcək seçkiləri müşahidə missiyasının tərkibində olacağını və təkrar seçkiləri izləyəcəyini də diqqətə çatdırmışdır.
Ermənistan-Azərbaycan, Dağlıq Qarabağ münaqişəsinin nizama salınması istiqamətində aparılan danışıqlara toxunan E.Məmmədyarov, problemin həllinin yalnız beynəlxalq hüququn norma və prinsipləri əsasında mümkünlüyünü vurğulamış, sərhədlərin güc tətbiqi ilə dəyişdirilməsinin yolverilməz olduğunu bildirmişdir.
Görüşdə qarşılıqlı maraq doğuran digər məsələlərə dair fikir mübadiləsi aparılmışdır.
Bölmənin digər xəbərləri
