XI Respublika spartakiadası çərçivəsində atletika üzrə yarış başa çatmışdır
Bakı, 30 oktyabr (AZƏRTAC). Gənclər və İdman, Təhsil nazirlikləri, Azərbaycan Milli Olimpiya Komitəsi, Təhsil İşçiləri Azad Həmkarlar İttifaqı Respublika Komitəsinin birgə qərarı və “Gənclik” Tələbə İdman Cəmiyyəti Respublika Şurasının təşkilatçılığı ilə təhsil müəssisələri arasında XI Respublika spartakiadası davam edir.
AZƏRTAC xəbər verir ki, spartakiadanın təqvim planına 6 idman növü - atletika, şahmat, dama, voleybol, basketbol və stolüstü tennis daxil edilmişdir.
Artıq Azərbaycan Dövlət Bədən Tərbiyəsi və İdman Akademiyasının stadionunda idmanın atletika növü ilə mübarizə başa çatmışdır. Ümumilikdə 13 komandanın qatıldığı yarışda Bakı Dövlət Rabitə-Nəqliyyat Kollecinin tələbələri üstün olmuşlar. Bakı Sənaye-Pedaqoji Kollecinin komandası ikinci, Bakı Dövlət Neft- Energetika Kollecinin təmsilçiləri isə 3-cü yerlərdə qərarlaşmışlar.
Bölmənin digər xəbərləri
