“Xocalı - bu olub” tamaşası növbəti dəfə səhnədə
Bakı, 2 aprel, AZƏRTAC
Azərbaycan Dövlət Pantomima Teatrında “Xocalı - bu olub” tamaşası növbəti dəfə nümayiş olunub.
Teatrdan AZƏRTAC-a bildirilib ki, səhnə əsəri 31 mart - Azərbaycanlıların Soyqırımı Günü münasibətilə göstərilib.
Tamaşanın müəllifi və quruluşçu rejissoru Xalq artisti Bəxtiyar Xanızadə, quruluşçu rəssamı Sənubər Səmədova, musiqi tərtibatçısı Əməkdar artist Elman Rəfiyevdir. Rolları Elman Rəfiyev, Nargilə Qəribova, Bəhruz Əhmədli, Səbinə Hacıyeva, Nurlan Rüstəmov, Solmaz Bədəlova, Leyla Atayeva, Nuridə Musabəyli, Elxan Şahalıyev və Cavad Nuriyev ifa edib.
Qeyd edək ki, səhnə əsəri ilk dəfə bu ilin fevral ayının 25-də Bolqarıstanın paytaxtı Sofiyada nümayiş olunub. Mədəniyyət Nazirliyi və ölkəmizin Bolqarıstandakı səfirliyinin təşəbbüsü ilə reallaşan nümayiş Xocalı soyqırımının daha geniş auditoriyaya çatdırılmasına xidmət edib.
Bölmənin digər xəbərləri
