Xocalı faciəsinə hüquqi-siyasi qiymət verilməsində ümummilli lider Heydər Əliyevin xidmətləri minnətdarlıqla xatırlanmışdır
Zərdab, 25 fevral (AZƏRTAC). Zərdab rayonundakı Gəlmə kənd mədəniyyət evinin, tam orta məktəbin və kitabxana filialının birgə təşkilatçılığı ilə Xocalı soyqırımının 22-ci il dönümünə həsr edilmiş tədbir keçirilmiş, “Səhəri olmaya gecə” adlı əbədi-bədii kompozisiya nümayiş etdirilmişdir.
Tədbirdə Xocalı faciəsi qurbanlarının, ümumən Azərbaycanın müstəqilliyi uğrunda canlarından keçmiş bütün şəhidlərimizin xatirəsi bir dəqiqəlik sükutla yad edilmişdir. Sonra 1992-ci il fevralın 25-dən 26-na keçən gecə Xocalıda törədilmiş soyqırımı barədə mərasim iştirakçılarına ətraflı məlumat verilmişdir. Aralarında uşaqlar, qadınlar və qocalar da olmaqla 613 nəfər dinc insanın qəddarcasına öldürüldüyü, 487 nəfərin şikəst edildiyi, 1275 nəfərin əsir və girov götürüldüyü bildirilmişdir.
Çıxış edənlər Xocalı faciəsinə hüquqi-siyasi qiymət verilməsində ümummilli liderimiz Heydər Əliyevin əvəzsiz xidmətlərini minnətdarlıqla xatırlamışlar.
Kənd tam orta məktəbi şagirdlərinin təqdim etdiyi əbədi-bədii kompozisiya iştirakçılara dərin təsir bağışlamışdır.
Bölmənin digər xəbərləri
