“Xocalıya ədalət!” kampaniyası çərçivəsində Avstraliyada da tədbirlər keçirilir
Bakı, 26 fevral, AZƏRTAC
“Xocalıya ədalət!” kampaniyası çərçivəsində dünyanın müxtəlif ölkələrində olduğu kimi, Avstraliyada da tədbirlər keçirilir.
Fevralın 26-da Avstraliya parlamentinin üzvü, Azərbaycanla parlamentlərarası dostluq qrupunun rəhbəri Lyuk Simpkinsin təşkilatçılığı ilə Qərbi Avstraliya parlamentində faciənin 24-cü ildönümünə həsr edilən anım mərasimi keçirilib. Bu barədə AZƏRTAC-a Milli Məclisin mətbuat xidmətindən məlumat verilib.
Azərbaycan Milli Məclisinin deputatı, Avstraliya ilə parlamentlərarası dostluq qrupunun sədri Xanlar Fətiyevin rəhbərlik etdiyi nümayəndə heyəti, Avstraliya parlamentinin üzvləri, Avstraliya-Azərbaycan Dostluq Assosiasiyasının təmsilçiləri, ictimaiyyətin nümayəndələri tədbirdə iştirak ediblər.
Mərasim iştirakçilarına faciə haqqında məlumat verilib, onlara soyqırımı faktını özündə əks etdirən materiallar və dünya mətbuatında dərc olunmuş məqalələr təqdim edilib.
Bölmənin digər xəbərləri
