YAP CULFA RAYON TƏŞKİLATININ SIRALARI GENİŞLƏNİR

13.08.2004 [12:00]
Çap et
A⁺ A^-

AZƏRTAC-ın müxbiri xəbər verir ki, 2723 nəfəri birləşdirən YAP Culfa rayon təşkilatı üzvlərinin 40 faizini gənclər, 38 faizini isə qadınlar təşkil edir. Təşkilatın 5-ci konfransında hesabat məruzəsi ilə çıxış edən Qadir İbrahimov bildirmişdir ki, 4-cü konfransdan ötən müddət ərzində partiya sıralarına 1023 nəfər yeni üzv qəbul olunmuşdur. Bu, rayonun ictimai-siyasi həyatında partiyanın nüfuzunun daha da artdığını sübut edir.

İcra hakimiyyətinin başçısı Yaşar Vəliyev, YAP Naxçıvan MR təşkilatının icra katibi Anar İbrahimov və digər natiqlər çıxışlarında rayon təşkilatının hesabat dövründəki fəaliyyətindən ətraflı danışmış, ümummilli liderimiz Heydər Əliyevin siyasi xəttinin layiqli davamçısı, Azərbaycan Prezidenti İlham Əliyevin fəaliyyətinin culfalılar tərəfindən də birmənalı dəstəkləndiyini vurğulamışlar.

Konfransda təşkilati məsələlərə də baxılmışdır. Qadir İbrahimov yenidən YAP Culfa rayon təşkilatının sədri seçilmişdir.