Yaponiyada 633 şagird norovirusdan zəhərlənib

26.03.2026 [15:55]
Çap et
A⁺ A^-

Pekin, 26 mart, AZƏRTAC

Yaponiyanın Osaka prefekturasının Kumatori şəhərindəki 8 məktəbdə 633 şagird və işçi qida zəhərlənməsi simptomları barədə məlumat verib.

AZƏRTAC Yaponiyanın NHK televiziya kanalına istinadla xəbər verir ki, zəhərlənmə halları martın 19-dan başlayıb. Məktəblərin şagird və işçi heyətində ishal və qusma da daxil olmaqla ardıcıl olaraq simptomlar inkişaf edib. Yerli səhiyyə mərkəzi yoluxmuş şagirdlərin bəzilərində norovirus aşkar edib. Eyni virus şəhərdəki bütün ibtidai və orta məktəblərə günorta yeməyi üçün çörək tədarük edən şirkətin işçilərində də aşkar edilib.

İctimai səhiyyə mərkəzi epidemiyanın çörəkdən qaynaqlandığını müəyyən edib. Çörək istehsal edən müəssisənin fəaliyyəti 5 günlük dayandırılıb.

_{Şahin Cəfərov}

_{AZƏRTAC-ın xüsusi müxbiri}

_Pekin