Yaponiyada keçiriləcək G20 sammiti zamanı internetin terrorizmlə əlaqəsi müzakirə olunacaq
Tokio, 21 mart, AZƏRTAC
Yaponiyanın Baş naziri Şinzo Abe bəyan edib ki, G20 sammitinin təşkili zamanı internetin terrorizmlə əlaqəsi məsələsi də müzakirə olunacaq.
AZƏRTAC xəbər verir ki, Ş.Abe bu barədə Avstraliyanın Baş naziri Skott Morrisonla telefon danışığı zamanı bildirib.
S.Morrison danışıq zamanı Osaka prefekturasında iyunda keçiriləcək sammit zamanı bu mövzuda müzakirələrin təşkilini Ş.Abedən xahiş edib. Həmin müraciətin ötən həftə Yeni Zelandiyada baş verən hücumun videoyazısının internetdə geniş yayılması ilə əlaqəli olduğu bildirilir.
Yaponiyanın Baş naziri qeyd edib ki, Yaponiya Yeni Zelandiya, Avstraliya və digər ölkələrlə birlikdə terrorizmlə mübarizə aparmaqda tam qərarlıdır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
