Yaponiyalı oftalmoloqlar Mingəçevirdə məcburi köçkünləri müayinə etmişlər
Mingəçevir, 8 iyul (AZƏRTAC). Yaponiyalı oftalmoloqların iştirakı ilə Mingəçevirdə məcburi köçkünlər üçün xeyriyyə aksiyası keçirilmişdir.
AZƏRTAC xəbər verir ki, şəhərdə məcburi köçkünlər üçün salınan yeni qəsəbədəki 52 nömrəli Ağdam köçkün orta məktəbində keçirilən xeyriyyə tədbirində görmə qabiliyyəti zəif olan insanlar müayinədən keçirilmişlər.
Yaponiyalı oftalmoloq Okio Kanaenin rəhbərlik etdiyi 5 həkim 3 gün ərzində 1000-dən çox insanın gözünü müayinə etmiş, 900 nəfərə yaxın və uzaq görməni asanlaşdıran eynəklər vermişdir. Müayinələrdə Mingəçevirdə məskunlaşmış 10 məcburi köçkün rayonunun sakinləri iştirak etmişlər.
Oftalmoloq Okio Kanaenin rəhbərlik etdiyi tibb işçiləri artıq 9-cu dəfədir ki, ölkəmizdə bu xeyirxah missiyanı həyata keçirirlər.
Bölmənin digər xəbərləri
